សារាចរណែនាំ ស្តីពី ការចុះបញ្ជីប្រកបអាជីវកម្ម សិក្សាគំរោងប្លង់ និងសាងសង់របស់សហគ្រាស ក្រុមហ៊ុន និង រូបវ័ន្តបុគ្គលបរទេស

យោងតាមមាត្រាទី១៩ ត្រង់ផ្នែក ទី ៤ នៃច្បាប់ស្តីពី "វិធានពាណិជ្ជកម្ម និង បញ្ជីពាណិជ្ជកម្ម" ដែលចែងពីក្រុមហ៊ុនបរទេស ដែលមានសាខា ឬ ទីភ្នាក់ងារនៅព្រះរាជាណាចក្រកម្ពុជា និង យោងតាមប្រកាសលេខ ៧៥ ប្រក / ដ.ន.ស ចុះថ្ងៃទី ២ ខែ កញ្ញា ឆ្នាំ១៩៩៩ ស្តីពីការគ្រប់គ្រងសហគ្រាស ក្រុមហ៊ុន សិក្សាគំរោងប្លង់ និងសាងសង់ របស់ក្រសួងរៀបចំដែនដី នគរូបនីយកម្ម និង សំណង់ សូមធ្វើការណែនាំ ស្តីពីការចុះបញ្ជីប្រកបអាជីវកម្មរបស់បណ្តាសហគ្រាស ក្រុមហ៊ុន និងរូបវ័ន្តបុគ្គលបរទេស។